Search
Close this search box.
Search
Close this search box.

Samið í Straumsvík

Fimm stéttarfélög starfsmanna álvers Rio Tinto í Straumsvík skrifuðu í gærkvöldi undir kjarasamning við ÍSAL. Samningurinn er til eins árs og fer nú til atkvæðagreiðslu meðal félagsmanna sem eru um 400. Fimm stéttarfélög standa að samningunum, þ.e. félagsmenn rafeindavirkja, Félags íslenskra rafvirkja, FIT, VM og Hlífar.

Kolbeinn Gunnarsson, formaður stéttarfélagsins Hlífar sagðist í samtali við Rúv vera nokkuð sáttur við efni samningsins. Vilji og krafa stéttarfélaganna hafi verð að lengri samningar yrðu gerðir, en þetta hafi verið lendingin og engin áform um lengri samning hafi verið á borðinu af hálfu viðsemjenda.

Kolbeinn segir samninginn í samræmi við Lífskjarasamninginn og hann fari nú í rafræna atkvæðagreiðslu sem á að vera lokið fyrir 13.nóvember.

Tengdar fréttir