Samstarf þessara tveggja aðila á sér djúpar rætur í íslenskri verkalýðssögu – Lúðrasveit verkalýðsins, sem var stofnuð árið 1953, hefur lengi verið nátengd baráttu alþýðunnar og hefur gegnt lykilhlutverki við að flytja tónlist á fjöldasamkomum, baráttudögum og hátíðum launafólks.
„Við erum stolt af því að styrkja menningarstarf sem hefur verið hluti af hjarta verkalýðshreyfingarinnar í meira en sjö áratugi,“ segir Finnbjörn A. Hermannsson, forseti ASÍ. „Tónlistin hefur ávallt verið öflugt tæki til að sameina fólk og miðla kjarnagildum hreyfingarinnar.“
Sem hluti af samstarfinu mun Lúðrasveitin koma fram á viðburðum á vegum ASÍ og tengdra félaga, þar á meðal á 1. maí hátíðum, afmælisviðburðum og öðrum samkomum þar sem sameining, réttlæti og samstaða eru í brennidepli.
