Aflandseignir Íslendinga voru þær mestu á Norðurlöndum 2007

Höfundur

Ritstjórn

Raunverulegar eignir Íslendinga á aflandssvæðum árið 2007 voru 16,4% af vergri landsframleiðslu (VLF) og var hlutfallið hvergi hærra á Norðurlöndum. Þetta kemur fram í nýjasta mánaðaryfirliti sviðs stefnumótunar og greiningar hjá Alþýðusambandi Íslands (ASÍ).

Í mánaðaryfirlitinu er vísað í nýlega fræðigrein um skattsvik sem sýnir dreifingu raunverulegra aflandseigna hinna ýmsu þjóða árið 2007. Á öðrum Norðurlöndum en Íslandi var hlutfall aflandseigna á bilinu 3-6% af VLF. Nágrannaþjóðirnar komu langt á eftir Íslendingum á þessu sviði en skattsvik eru helsta ástæða þess að eignir eru skráðar á aflandssvæðum.

Í mánaðaryfirlitinu er einnig að finna fróðleik um breytingar á íslenskum vinnumarkaði auk þess sem fjallað er um verulegt tekjufall þeirra sem misst hafa atvinnu sökum COVID-faraldursins. Þá er fjallað um uppfærða efnahagsspá Seðlabanka Íslands og sagt frá nýrri skýrslu sérfræðingahóps verkalýðshreyfingarinnar um efnahagsleg áhrif veirufaraldursins þar sem fram kemur að virtir fræðimenn og alþjóðastofnanir vari nú við niðurskurði opinberra útgjalda til að rétta af halla á ríkissjóði.

Tengdar fréttir

  • NÁMSKEIÐIÐ UNGIR LEIÐTOGAR HALDIÐ Í ÞRIÐJA SINN

    Ungir leiðtogar er námskeið ætlað ungu fólki innan verkalýðshreyfingarinnar. Áhersla…

    Ritstjórn

    20. jan 2025

    Ungir leiðtogar
  • Kvennaráðstefna ASÍ 2024 

    Ryðjum hindrunum úr vegi – kvenfrelsi og stéttabarátta. Kvennaráðstefna ASÍ…

    Ritstjórn

    14. nóv 2024

  • Ekki er allt gull sem glóir

    Göran Dahlgren og Lisa Pelling skrifa: Það var okkur ánægja…

    Ritstjórn

    14. okt 2024