Okra bankarnir eða þjóna þeir almenningi?

Höfundur

Ritstjórn

ASÍ, BSRB, BHM og Neytendasamtökin standa fyrir morgunverðarfundi um nýútkomna skýrslu um gjaldtöku og arðsemi bankanna þann 3. október kl. 08:30-10:30, í salnum Vox Club á Hilton hóteli. Léttur morgunverður verður í boði frá 08:00. 

Skoða má upptöku frá fundinum hér að neðan:

Á ráðstefnunni verður fjallað um niðurstöður nýútkominnar skýrslu starfshóps menningar- og viðskiptaráðherra um gjaldtöku og arðsemi íslensku bankanna. Markmiðið með málþinginu er að dýpka umræðuna um niðurstöður skýrslunnar, fjalla um þær í samhengi við samkeppni og neytendamál og ræða næstu skref fram á við. 

Hefur bættur rekstur bankanna skilað sér í betri kjörum til viðskiptavina bankanna? Er staða neytenda á íslenskum fjármálamarkaði jafn sterk hér á landi og í löndunum í kringum okkur? Hvernig má auka gagnsæi og styrkja stöðu viðskiptavina bankanna? Hvað geta stjórnvöld gert til að efla samkeppni og neytendavernd? 

Lilja Alfreðsdóttir, menningar- og viðskiptaráðherra, mun flytja ávarp við upphaf ráðstefnunnar og síðan taka þátt í pallborðsumræðu.  

Auk hennar flytja erindi:  

Páll Gunnar Pálsson, forstjóri Samkeppniseftirlitsins 

Þórunn Anna Árnadóttir, forstjóri Neytendastofu 

Inga Dröfn Benediktsdóttir, forstöðumaður í viðskiptaháttaeftirliti hjá Fjármálaeftirlitinu  

Breki Karlsson, formaður Neytendasamtakanna 

Haukur Skúlason, framkvæmdastjóri og annar stofnandi Indó  

Auður Alfa Ólafsdóttir, sérfræðingur hjá Alþýðusambandi Íslands  

Í pallborði verða: 

Lilja Alfreðsdóttir, Auður Alfa Ólafsdóttir, Haukur Skúlason og Gylfi Magnússon, prófessor í hagfræði við Háskóla Íslands. 

Guðmundur Gunnarsson stýrir pallborði.  

 

 

Tengdar fréttir

  • NÁMSKEIÐIÐ UNGIR LEIÐTOGAR HALDIÐ Í ÞRIÐJA SINN

    Ungir leiðtogar er námskeið ætlað ungu fólki innan verkalýðshreyfingarinnar. Áhersla…

    Ritstjórn

    20. jan 2025

    Ungir leiðtogar
  • Kvennaráðstefna ASÍ 2024 

    Ryðjum hindrunum úr vegi – kvenfrelsi og stéttabarátta. Kvennaráðstefna ASÍ…

    Ritstjórn

    14. nóv 2024

  • Ekki er allt gull sem glóir

    Göran Dahlgren og Lisa Pelling skrifa: Það var okkur ánægja…

    Ritstjórn

    14. okt 2024