Rúm 80% þjóðarinnar telja núverandi fyrirkomulag húsnæðislána ósanngjarnt.
Þetta kemur fram í nýrri þjóðmálakönnun sem Gallup framkvæmdi fyrir Alþýðusamband Íslands (ASÍ).
Spurt var: Hversu sanngjarnt eða ósanngjarnt telur þú núverandi fyrirkomulag húsnæðislána?
Alls kváðust 47% aðspurða telja núverandi fyrirkomulag húsnæðislána mjög ósanngjarnt og 34% sögðu það frekar ósanngjarnt.
Einungis 8% töldu fyrirkomulagið frekar (6%) eða mjög sanngjarnt (2%).
Þá tóku 11% ekki beina afstöðu.
Könnunin var gerð 13.-21. nóvember 2024.
Úrtak var 1.697 manns af öllu landinu, 18 ára og eldri, handahófsvaldir úr Viðhorfahópi Gallup.
