Góður hópur fulltrúa sótti 10. þing ASÍ-UNG á Hellu
ASÍ-UNG, hreyfing ungs fólks innan Alþýðusambands Íslands, kom saman til fundar á Hellu fimmtudaginn 7. nóvember sl.
Þrátt fyrir íslenskt veður og erfiðar flugsamgöngur sótti góður hópur fulltrúa víðast hvar af landinu þetta 10. þing ASÍ-UNG. Yngsti gestur þingsins var eins mánaðar gamall.
Kristján Þórður, Gundega og Birkir Snær sögðu þingfulltrúum frá reynslu sinni af störfum innan verkalýðshreyfingarinnar.
Reynsluboltar gáfu góð ráð
Helsta málefni þingsins var efling ungs fólks til að hafa áhrif. Gestir voru Gundega Jaunlinina, varaformaður Hlífar, Birkir Snær Guðjónsson, varaformaður AFLs og Kristján Þórður Snæbjarnarson, formaður RSÍ. Gestir sögðu þingfulltrúum frá reynslu sinni af verkalýðsmálum og hvernig vegferð þeirra hafi verið innan hreyfingarinnar til dagsins í dag. Ungu fólki voru gefin góð ráð og það hvatt til áhrifa enda mikilvægt að raddir ungs fólks heyrist í samfélaginu.
Finnbjörn A. Hermannsson, forseti Alþýðusambandsins, ávarpaði þingið. Hvatti hann unga fólkið til dáða og sagði mikilvægt að það léti til sín taka innan hreyfingarinnar og í samfélaginu öllu.
Stjórn ASÍ-UNG árin 2024 til 2025 er skipuð eftirfarandi:
Ástþór Jón Ragnheiðarson
Ásdís Helga Jóhannsdóttir
Birgitta Ragnarsdóttir
Þorvarður Bergmann Kjartansson
Elsa Hrönn Gray Auðunsdóttir
Guðmunda Steina Jósefsdóttir
Andri Ólafsson
Svanfríður Guðrún Bergvinsdóttir
Inga Fanney Rúnarsdóttir
Varamenn:
Mateusz Gabríel K. Róbertsson
Svandís Dóra Jónsdóttir
Elín Ósk Sigurðardóttir
Finnbjörn A. Hermannsson, forseti Alþýðusambands Íslands, ávarpaði þingið.
Ástþór Jón áfram starfandi formaður
Stjórn skipar með sér verkum samkvæmt samþykktum ASÍ-UNG og ákvað nýkjörin stjórn að Ástþór Jón Ragnheiðarson yrði áfram starfandi formaður og Ásdís Helga Jóhannsdóttir áfram starfandi varaformaður.
ASÍ óskar nýkjörinni stjórn til hamingju og hlakkar til að fylgjast með ASÍ-UNG halda áfram að efla stöðu og réttindi ungs launafólks í landinu.
