Verðbólga lækkar lítillega milli mánaða

Höfundur

Ritstjórn

Ársverðbólgan mælist nú 3,3% (3,0% án húsnæðis) samanborið við 3,6% í maí. Vísitala neysluverðs hækkar um 0,38% milli mánaða en vísitala án húsnæðis hækkar örlítið minna eða um 0.37%.

Mest áhrif til hækkunar á verðlagi í júní hefur 0,3% hækkun á húsnæði, hita og rafmagni (áhrif á vísitölu 0,10%) en hún er að mestu tilkomin vegna hækkana á viðhaldi og viðgerðum. Ferðir og flutningar hafa næst mest áhrif til hækkunar á vísitölunni eða 0,09% en liðurinn hækkar um 0,6% milli mánaða. Mestu munar þar um 6,5% hækkun á flugfargjöldum en á móti vegur 1,3% lækkun á bensíni og olíu. Tómstundir og menning hækkar um 0,7% (0,07% áhrif) frá því í maí en 3,5% hækkun á pakkferðum til útlanda vegur þar þyngst. Þá hækka aðrar vörur og þjónusta um 0,8% milli mánaða (áhrif 0,05%) sem má að mestu rekja til hækkana á tryggingum um 0,7% en einnig til hækkana á ýmsum snyrtivörum. Verð á mat og drykkjarvörur hækkar um um 0,3% frá fyrra mánuði sem hefur 0,06% áhrif til hækkunar á verðlagi í mánuðinum. Húsgögn og heimilisbúnaður hækka um 0,8% milli mánaða (áhrif 0,04%) og skýrist það að mestu af hækkunum á stórum heimilistækjum.

Mest áhrif til lækkunar á verðlagi í júní hefur 1% lækkun á hjá hótelum og veitingastöðum (-0,1% vísitöluáhrif) sem skýrist einkum af 3,8% lækkun á skyndibita og tilbúnum réttum. Póstur og sími lækkar einnig sem skýrist af 8,8% lækkun á heimilissímaþjónustu og 4,3% lækkun á farsímaþjónustu.

Tengdar fréttir

  • NÁMSKEIÐIÐ UNGIR LEIÐTOGAR HALDIÐ Í ÞRIÐJA SINN

    Ungir leiðtogar er námskeið ætlað ungu fólki innan verkalýðshreyfingarinnar. Áhersla…

    Ritstjórn

    20. jan 2025

    Ungir leiðtogar
  • Kvennaráðstefna ASÍ 2024 

    Ryðjum hindrunum úr vegi – kvenfrelsi og stéttabarátta. Kvennaráðstefna ASÍ…

    Ritstjórn

    14. nóv 2024

  • Ekki er allt gull sem glóir

    Göran Dahlgren og Lisa Pelling skrifa: Það var okkur ánægja…

    Ritstjórn

    14. okt 2024