Search
Close this search box.
Search
Close this search box.

Yfirlýsing SGS – Skiljum engan eftir út undan

Starfsgreinasamband Íslands ítrekar nauðsyn þess að aðgerðir stjórnvalda í kjölfar Covid-19 nái til allra, og að afkomuöryggi hópa, s.s. einstaklinga með undirliggjandi sjúkdóma, óléttra kvenna og foreldra sem hafa misst úr vinnu vegna takmarkaðs leik- og grunnskólastarfs, verði tryggt. Það er aldrei hægt að una við það að hópar félagsmanna okkar, sem hvað veikast standa, séu skildir eftir í aðgerðum stjórnvalda. 

Formannafundur Starfsgreinasambandsins minnir jafnframt á mikilvægi þess að álagsgreiðslur til framlínustarfsfólks í heilbrigðisgeiranum nái til allra sem þar starfa t.d. við þrif, umönnun og aðhlynningu. Þetta fólk hefur brugðist við erfiðum og krefjandi aðstæðum af miklum dugnaði og elju og á svo sannarlega skilið að fá sinn skerf af umræddum álagsgreiðslum. Þetta á einnig við um starfsfólk undirverktaka, einkarekina hjúkrunarheimila og annara, sem sinnir mörgum af þessum störfum á einstökum stofnunum. Skiljum engan út undan.

Tengdar fréttir