VIRK Starfsendurhæfingarsjóður, Embætti landlæknis og Vinnueftirlit ríkisins gangast fyrir morgunfundi um heilsueflandi vinnustaði í Háteigi á Grand Hótel þann 9. maí. kl. 8.15-10.00. Húsið opnar kl. 8.00 með léttri morgunhressingu.
Aðallfyrirlesarinn er Karolien Van Den Brekel heimilislæknir og doktor í sálfræði sem fjallar um jákvæða heilsu og vinnustaði. Sigríður Kristín Hrafnkelsdóttir frá Embætti landlæknis ræðir hvernig gera megi betur í heilsueflingu og Jóhann F. Friðriksson frá Vinnueftirlitinu um mikilvægi fjárfestingar í heilsu starfsmanna. Ingibjörg Loftsdóttir, sviðsstjóri hjá VIRK, stýrir fundinum.
08.15 Fundur settur
Heilsuefling – Tækifæri til að gera betur
Sigríður Kristín Hrafnkelsdóttir. Lýðheilsufræðingur, Embætti landlæknis
Hvers vegna að fjárfesta í heilsu starfsmanna?
Jóhann F. Friðriksson, lýðheilsufræðingur, Vinnueftirlit ríkisins
Jákvæð heilsa á vinnustað
Karolien Van Den Brekel MD, Phd
10:00 Fundarlok
Morgunfundurinn er sá fyrsti í fundaröð um heilsueflingu á vinnustöðum og er hluti af samstarfi VIRK, Landlæknis og Vinnueftirlitsins um heilsueflingu og forvarnir á vinnustöðum. Markmið samstarfsins er að stuðla að betri heilsu og vellíðan vinnandi fólks á vinnustöðum, fyrirbyggja kulnun og minnka brottfall af vinnumarkaði.
Fundurinn er öllum opinn, aðgangur er ókeypis en skrá þarf þátttöku á virk.is
