Félagsmenn Eflingar hjá Reykjarvíkurborg samþykktu kjarasamninginn

Höfundur

Ritstjórn
Félagsmenn Eflingar sem starfa hjá Reykjavíkurborg og ríki hafa greitt atkvæði um kjarasamninga sem undirritaðir voru í byrjun mars. 
 
Báðir samningar voru samþykktir með yfirgnæfandi meirihluta. 
 
Af þeim 777 sem greiddu atkvæði um Reykjavíkurborgarsamninginn sögðu 715 eða 92% já og 49 eða 6% sögðu nei. 13 eða 2% tóku ekki afstöðu. Alls voru 1858 á kjörskrá og kjörsókn því 42%.
 
Af þeim 72 sem greiddu atkvæði um ríkissamninginn sögðu 69 eða 96% já og 2 eða 3% sögðu nei. 1 eða 1% tók ekki afstöðu. Alls voru 545 á kjörskrá og kjörsókn því 13%.
 
Atkvæðagreiðslan var rafræn og stóð frá hádegi mánudaginn 23. mars til hádegis í dag föstudaginn 27. mars. 
 
„Niðurstaðan felur í sér staðfestingu á því að mikilvægt skref hefur verið stigið í leiðréttingu lægstu launa. Stoltust er ég af að hafa tekið þátt í því að auka virðingu og kjör láglaunakvenna í sögulega vanmetnum störfum. Þessir samningar eru sannarlega eftirtektarvert innlegg í baráttu láglaunakvenna fyrir að vera metnar að verðleikum. Um leið vil ég taka fram að baráttan heldur áfram. Næsti slagur felst í því að ná samsvarandi samningum fyrir félaga okkar hjá hinum sveitarfélögunum. Svo höldum við áfram að ryðja brautina fyrir betra lífi fyrir okkar fólk,“ sagði Sólveig Anna Jónsdóttir, formaður Eflingar.

Tengdar fréttir

  • Aðgerðir tengdar kjarasamningum taka gildi

    Við gerð kjarasamninga gerði verkalýðshreyfingin kröfur á stjórnvöld um aðgerðir…

    Ritstjórn

    5. jún 2024

  • Mikill stuðningur við kjarasamning SGS og SA

    Kjarasamningur Starfsgreinasambands Íslands (SGS) og Samtaka atvinnulífsins (SA) hefur verið…

    Ritstjórn

    19. des 2022

  • Vörukarfa ASÍ hækkaði í 6 af 8 verslunum á 6

    Á 6 mánaða tímabili, frá lokum mars 2021 fram í…

    Ritstjórn

    15. okt 2021