Norðmenn takmarka starfsemi starfsmannaleiga

Höfundur

Ritstjórn

Norðmenn breyttu vinnumarkaðslöggjöf sinni í desember s.l. þannig að stjórnvöldum er gert heimilt að banna eða takmarka mjög notkun á starfsmannaleigum. Í skjóli þessara breytinga hafa allar ráðningar frá starfsmannaleigum á byggingarsvæðum í Ósló, Viken og á Vestfold algjörlega verið bannaðar. Áður en lögin tóku gildi höfðu bæði eistneskt og norskt starfsmannaleigufyrirtæki kvartað vegna lagabreytingarinnar til Eftirlitsstofnunar EFTA (ESA).

Í frumvarpi sínu rökstyður ríkisstjórn Noregs lagabreytingarnar með því að það þríhliða samband sem stofnist við leigu starfsmanna samræmist illa reglum norsks vinnuréttar þar á meðal um vinnuvernd, öryggi og aðkomu trúnaðarmanna stéttarfélaga. Notendafyrirtækið sem ráði starfsmanninn hafi mikil áhrif á stöðu hans þó formlega sé það starfsmannaleigan sem sé „atvinnurekandi/launagreiðandi“ hans. Margt af því sem hafi bein áhrif stöðu og daglegt lífi starfsmannsins sé hins vegar utan valdssviðs þessa formlega „atvinnurekanda/launagreiðanda“. Þríhliða sambandið kljúfi hina hefðbundnu atvinnurekendaábyrgð og ábyrgð stéttarfélaga eins og þeirri ábyrgð sé skipað bæði með lögum og kjarasamningum.

Í bréfi til norskra stjórnvalda dregur ESA í efa að nýju reglurnar samrýmist tilskipun um 2008/104 og reglum EES um frjálst flæði þjónustu. Margt af því sem norsk stjórnvöld, eftir samráð við verkalýðshreyfinguna, bera fyrir sig til réttlætingar á þessum takmörkunum hefur íslensk verkalýðshreyfing ítrekað haldið fram og spennandi verður að sjá hver niðurstaða ESA og eftir atvikum EFTA-dómstólsins verður.

Tengdar fréttir

  • NÁMSKEIÐIÐ UNGIR LEIÐTOGAR HALDIÐ Í ÞRIÐJA SINN

    Ungir leiðtogar er námskeið ætlað ungu fólki innan verkalýðshreyfingarinnar. Áhersla…

    Ritstjórn

    20. jan 2025

    Ungir leiðtogar
  • Kvennaráðstefna ASÍ 2024 

    Ryðjum hindrunum úr vegi – kvenfrelsi og stéttabarátta. Kvennaráðstefna ASÍ…

    Ritstjórn

    14. nóv 2024

  • Ekki er allt gull sem glóir

    Göran Dahlgren og Lisa Pelling skrifa: Það var okkur ánægja…

    Ritstjórn

    14. okt 2024