Um 60% þjóðarinnar telja áhrif innflytjenda á íslenskt efnahagslíf vera jákvæð.
Þetta kemur fram í nýrri þjóðmálakönnun sem Gallup framkvæmdi fyrir Alþýðusamband Íslands (ASÍ).
Spurt var: Telur þú að innflytjendur hafi jákvæð eða neikvæð áhrif á íslenskt efnahagslíf?
Alls kváðust 21% aðspurða telja áhrifin mjög jákvæð og 39% sögðu þau frekar jákvæð. Um 18% töldu þau frekar (12%) eða mjög neikvæð (6%).
Þá tóku 22% ekki beina afstöðu.
Kjósendur Miðflokksins og Flokks fólksins eru líklegastir til að telja áhrif innflytjenda neikvæð. Í könnunni lýsa 39% kjósenda Flokks fólksins og Miðflokksins þeirri afstöðu sinni að áhrif innflytjenda séu neikvæð. Þá eru 24% kjósenda Sjálfstæðisflokksins sömu skoðunar.
Könnunin var gerð 13.-21. Nóvember 2024.
Úrtak var 1.697 manns af öllu landinu, 18 ára og eldri, handahófsvaldir úr Viðhorfahópi Gallup.
