Atvinnuleysi í apríl mælist það mesta í 5 ár

Höfundur

Ritstjórn

Atvinnuleysi í apríl mældist 3,7% og voru að meðaltali 6.803 manns án atvinnu í mánuðinum. Skráð atvinnuleysi jókst milli mánaða um 0,5 prósentustig, úr 3,2% í mars. Í lok apríl voru 326 fleiri atvinnulausir en í lok mars. Atvinnuleysi í apríl 2018 var 2,3% og er aukningin því 1,4 prósentustig milli ára. Hlutfallslega eru heldur fleiri konur atvinnulausar en karlar eða 3,8% meðan 3,6% karla eru á atvinnuleysisskrá Vinnumálastofnunar.

Töluverð fjölgun hefur á síðustu mánuðum orðið í hópi þeirra sem verið hafa án atvinnu í allt að hálft ár, þeir voru 3.188 í desember en hafði fjölgað í 4.583 í apríl. Sömuleiðis hefur fjölgað í þeim hópi sem verið hefur án atvinnu í 6-12 mánuði. Þeir voru 1.450 í apríl samanborið við 1.137 í febrúar. Svo virðist því sem þeir sem missa atvinnuna séu lengur að fá nýtt starf en áður.

Tengdar fréttir

  • NÁMSKEIÐIÐ UNGIR LEIÐTOGAR HALDIÐ Í ÞRIÐJA SINN

    Ungir leiðtogar er námskeið ætlað ungu fólki innan verkalýðshreyfingarinnar. Áhersla…

    Ritstjórn

    20. jan 2025

    Ungir leiðtogar
  • Kvennaráðstefna ASÍ 2024 

    Ryðjum hindrunum úr vegi – kvenfrelsi og stéttabarátta. Kvennaráðstefna ASÍ…

    Ritstjórn

    14. nóv 2024

  • Ekki er allt gull sem glóir

    Göran Dahlgren og Lisa Pelling skrifa: Það var okkur ánægja…

    Ritstjórn

    14. okt 2024