Þessa dagana stendur yfir Hringferð um landið allt á vegum ASÍ, þar sem forseti og starfsfólk skrifstofu hittir fyrir félögin á fundum. Markmiðið með fundaröðinni er að fara yfir þau málefni sem miðstjórn ASÍ hefur lagt til að fái sérstaka umfjöllun í aðdraganda þings sambandsins í haust, og sækja hugmyndir og afstöðu aðildarfélaganna sem verður síðan hryggjarsúlan í málefnavinnu fyrir þing ASÍ í haust.
Málefnaflokkarnir sem ræddir verða á fundunum eru þessir:
- Auðlindir í þágu þjóðar – varðstaða um sameignir þjóðarinnar
- Þjónusta í þágu almennings – krafa um bætt aðgengi – horfið frá einkavæðingu
- Samkeppni í þágu samfélags – sporna gegn fákeppni og einokun
Hringferðin hófst mánudaginn 6. maí með vel lukkuðum umræðufundi í Vestmannaeyjum og í kjölfarið fylgdu fundir á Selfossi og á Akureyri.
Hringferðin heldur svo áfram út mánuðinn í öllum landsfjórðungum.
Meðfylgjandi eru myndir frá fundinum sem fór fram á Akureyri á dögunum, en húsfylli var í Alþýðuhúsinu þar sem frjóar og upplýsandi umræður mynduðust um málefni og samfélagið allt.
