Search
Close this search box.
Search
Close this search box.

Forseti ASÍ á 1. maí

1. maí 2024 

Kæru félagar og landsmenn allir. 

Yfirskrift þessa hátíðardags okkar er að þessu sinni „Sterk hreyfing – sterkt samfélag”.  

Hún vísar til þess að verkalýðshreyfingin hefur öðrum fremur mótað Ísland sem velferðarsamfélag. 

Barátta launafólks er nú sem áður byggð á grunni hugsjóna um réttlátt samfélag, samhygð og bætt kjör. 

Verkalýðshreyfingin er sterkasta afl framfara og breytinga í landinu. 

Nú er sótt að réttindum okkar og kjörum. Fjármagnsöflin ásælast auðlindir þjóðarinnar og hyggjast sem fyrr beita einkavæðingu til að komast yfir þær. Þetta á við um raforkuna, landið, vindinn og vatnið. 

Já, það á að hlunnfara þjóðina eina ferðina enn. 

Jafnframt hyggjast stjórnvöld hefja einkavæðingu ellinnar með grundvallarbreytingu á rekstri hjúkrunarheimila. 

Ágætu félagar  

Þetta eru stórhættuleg áform og bein ógn við velferðarríkið. 

Ég hvet ykkur öll að styðja verkalýðshreyfinguna í varðstöðu um hagsmuni og velferð almennings í landinu. Ég hvet ykkur til að taka beinan þátt í henni til dæmis með virkri þátttöku í stéttarfélögunum sem þið eigið og þið ráðið.  

Kæru vinir – aflið býr í ykkur!   

Til hamingju með daginn! 

Tengdar fréttir