Aðeins rétt rúmur fjórðungur landsmanna telur hlutdeild almennings í þeim arði sem verður til við nýtingu auðlinda réttláta, að því er fram kemur í nýrri þjóðmálakönnun Alþýðusambands Íslands (ASÍ).
Spurt var: Telur þú að hlutdeild almennings í þeim arði sem verður til við nýtingu auðlinda sé réttlát eða ranglát?
Um 57% þátttakenda í könnunni töldu hlutdeildina ýmist frekar eða mjög rangláta.
Hærra hlutfall kvenna en karla taldi hlutdeildina mjög rangláta eða 33% á móti 28%.
Á meðal háskólamenntaðra reyndist 61% telja hlutdeild almennings í arðinum ýmist mjög eða frekar rangláta og var það hlutfall hærra en meðal fólks sem lokið hafði framhaldsskólamenntun (55%) og grunnskólaprófi (52%).
Á landsbyggðinni kváðust 56% telja hlutdeildina rangláta og á höfuðborgarsvæðinu reyndist hlutfallið 58%.
Hér má sjá nánari greiningu á svörum við þessari spurningu.
Um könnunina:
Gallup framkvæmdi könnunina 12.-23. september 2024.
Þetta var netkönnun sem náði til 1.722 manns af öllu landinu, 18 ára og eldri, sem handahófsvaldir voru úr Viðhorfahópi Gallup.
Stærð úrtaks og svörun:
Úrtak: 1,722
Svara ekki: 851
Fjöldi svarenda: 871
Þátttaka: 50,6%
