Vinnur þú á vinnustað sem er til fyrirmyndar í umhverfismálum? Hefur fyrirtækið/stofnunin sem þú starfar hjá komið að nýsköpun í umhverfismálum eða ráðist í viðamiklar aðgerðir til að draga úr umhverfisfótspori?
Umhverfis-, orku- og loftslagsráðuneytið óskar eftir tilnefningum um fyrirtæki eða stofnun, sem vegna verka sinna og athafna á síðasta ári eru þess verðug að hljóta umhverfisviðurkenninguna Kuðunginn fyrir árið 2025.
Tilnefningarflokkarnir eru tveir, stærri og minni fyrirtæki eða stofnanir.
Tillögur skulu berast umhverfis-, orku- og loftslagsráðuneytinu eigi síðar en 16. mars nk. merktar „Kuðungurinn“ á netfangið urn@urn.is eða með pósti í umhverfis-, orku- og loftslagsráðuneytið, Skuggasundi 1, 101 Reykjavík.
Í fyrra hlutu fyrirtækin Pure North og BM Vallá viðurkenningu fyrir framúrskarandi starf í umhverfismálum.
Nánari upplýsingar um tilnefningar má nálgast á vefsíðu Stjórnarráðsins: https://www.stjornarradid.is/efst-a-baugi/frettir/stok-frett/2026/03/10/Frestur-til-ad-skila-inn-tilnefningum-til-Kudungsins-framlengdur-til-16.-mars/
